ស្ត្រីម្ចាស់ផ្ទះស្លាប់ឆេះខ្លោចក្នុងអគ្គិភ័យឆេះផ្ទះខ្លួនឯង
18-March-2016 | ដោយ មែន កំសត់
ក្រចេះ៖ មន្ត្រីនគរបាលម្នាក់បាននិយាយថាស្ត្រីម្នាក់ត្រូវបានគេរកឃើញនៅ ក្រោមគំនរភ្នក់ភ្លើង បន្ទាប់ពីមានអគ្គិភ័យឆេះផ្ទះមួយខ្នងនៅតំបន់ដាច់ស្រយាលមួយស្ថិត ក្នុងភូមិ បឹងកៀប ឃុំដំរីផុង ស្រុកឆ្លូង ខេត្តក្រចេះកាលពីវេលាម៉ោង ១០និង១៥ នាទី ព្រឹកថ្ងៃទី១៧ខែមិនា ឆ្នា២០១៦ ម្សិលមិញ។
លោក ដួង សុទ្ធី អធិការស្រុក ឆ្លូង បានប្រាប់ឲ្យដឹង ថា សពស្ត្រីរងគ្រោះ ដែលត្រូវបានគេរកឃើញនៅក្រោមគំនរភ្នក់ភ្លើងនោះ ឈ្មោះ អ៊ុន ចន្ធីណា អាយុ ៤២ ឆ្នាំ គឺជាម្ចាស់ផ្ទះដែលត្រូវភ្លើងឆេះខាងលើនេះ។
លោក សុទ្ធី បានបញ្ជាក់ថា៖ «នៅពេលឃើញមានអណ្ដាតភ្លើងឆេះ ក្រុមអ្នកភូមិបាននាំគ្នា ដើរទៅជួយប៉ុន្តែដោយសារផ្ទះជនរងគ្រោះនៅឆ្ងាយពីផ្ទះអ្នកភូមិ ផ្សេងទៀត ប្រមាណជិតមួយគីឡូម៉ែត្រនិងគ្មានទឹកផងនោះ ទើបធ្វើឲ្យមានការជួយសង្គ្រោះមិនទាន់ពេល។ ក្រោយពេលឆេះសពស្ត្រីរងគ្រោះ ត្រូវបានគេរកឃើញនៅក្រោមគំនរភ្លើងនៃផ្ទះឆេះនោះ ដោយមានសភាពឆេះខ្លោច រួញដូចជាដុំធ្យូង»។
លោកថ្លែងបន្តថា យោងតាមការចុះពិនិត្យជាក់ស្ដែងនៅកន្លែងកើតហេតុ សមត្ថកិច្ចបានសន្និដ្ឋានក្នុងជំហានដំបូងថា អគ្គិភ័យនេះកើតឡើងបណ្ដាលមកពី «ភ្លើងចង្ក្រានដុតអុស» ប៉ុន្តែទោះជាបែបណា ករណីនេះ សមត្ថកិច្ចនឹងបន្តធ្វើការស្រាវជ្រាវបន្ថែមទៀត ព្រោះខ្លាចជាអំពើ «ឃាតកម្ម» ព្រោះក្រៅពីស្ត្រីរងគ្រោះ គេពុំឃើញមានវត្តមានរបស់បុរសជាប្ដី និងកូនរបស់គាត់នៅទីនោះទេ។
លោកបាននិយាយទៀតថា ផ្ទះដែលឆេះនោះ ធ្វើពីឈើប្រក់សង្ក័សី មានទំហំ ៧ ម៉ែត្រ x ៩ ម៉ែត្រ។ ទ្រព្យសម្បត្តិ ដែលរួមមាន ម៉ូតូ ២គ្រឿង ស្រូវ អង្ករ ជាច្រើនបាវ ព្រមទាំងសម្ភារៈជាច្រើនទៀត ត្រូវបានក្លាយជាចំណីភ្លើង ក្លាយជាផេះផង់ទាំង
ចំនួនអ្នកទស្សនា
- ថ្ងៃនេះ4641
- ម្សិលមិញ15681
- សប្តាហ៍នេះ63481
- ខែនេះ85361
- ឆ្នាំនេះ85361
- សរុប20527817